ჩვენი ბიჭები

ვიქტორია ბექჰემი ჩემი ყველაზე საყვარელი სპაის გერლია დღესდღეობით.
ამ ფოტოს ნახვის შემდეგ, გული კიდევ უფრო ამიჩუყა. ვისაც შვილები ჰყავს, თანაც ბიჭები, ალბათ გამიგებს, რასაც ვგულისხმობ.
უკვე რამხელა ბიჭია ბრუკლინი და წარმომიდგენია, ვიქტორია როგორ ამაყობს და როგორ უხარია თავისი ასეთი საყვარელი და ლამაზი პირმშოს დანახვა. იმიტომ, რომ რამდენი შვილიც არ უნდა გყავდეს, პირველი მაინც განსაკუთრებული იქნება.
წარმოვიდგინე, ეზრა რომ ბრუკლინისხელა იქნება...

ბედნიერები და ჯანმრთელები იყვნენ ბექჰემები თავის ლამაზ შვილებთან ერთად და ვისაც ვიქტორია არ მოსწონს, შეუძლია გაისეირნ-გამოისეირნოს, იმიტომ რომ ვიქტორია მაინც ვიქტორიაა, ყველაზე განსაკუთრებული ქალი, ნიჭიერი, გონიერი და შრომისმოყვარე.

ეს კიდევ ჩემი ბავშვობის ყველაზე საყვარელი baby spice, ემა ბანტონია, ისიც თავის ბიჭებთან ერთად.

რა მაქვს მე, ამ შემთხვევაში, ვიქტორიასა და ემასთან საერთო, გარდა ბავშვობისა და მათი სამივე ალბომისა, stay tuned, როგორც იტყვიან ჩვენი მეგობრები, და მომდევნო პოსტებში გიამბობთ ;)

ბედნიერ კვირას გისურვებთ და გაზაფხულის მალე მოსვლას!!! უკვე მოსულია თითქმის, სულ ცოტაც.

იანვრის 5 ფავორიტი თებერვლიდან

წესით, ეს პოსტი "იანვრის 5 ფავორიტში" უნდა შედიოდეს, მაგრამ იანვრის ბოლოს ვეღარ მოვახერხე დაწერა.

დღევანდელი ფავორიტების ხუთივე პუნქტი ჩემს ფავორიტ ქალ მსახიობებს დაეთმობა, რადგან მომწონან :D ლამაზები არიან, ერთმანეთისგან განსხვავებულები და შეიძლება მათ როლებზე დიდად არ ვგიჟდებოდე, მაგრამ მათი სარეკლამო პოსტერებზე დანახვა მსიამოვნებს და დღეს მიმხიარულებს.

1. დიან კრუგერი

მე და ეზრა ვსეირნობდით და პარფიუმერული მაღაზიის ვიტრინაში მისი ლამაზი და მშვიდი სახის გამოსახულება რომ დავინახე, უცებ კარგ ხასიათზე დავდექი.
მიუხედავად იმისა, რომ მისი არცერთი ფილმი მინახავს ბოლომდე. არა, მინახავს, როგორ არა, ისიც ჯოშ ჰარტნეტის ხათრით. ვფიქრობ, ძალიან უბრალო ქალი უნდა იყოს, როგორც გერმანელების უმეტესობა.

2. ჯულია რობერტსი

რამდენი წლისაც არ უნდა იყოს და რა სისულელეებიც არ უნდა თქვას, ჯულია მუდამ ჯულიად დარჩება ჩემთვის. მშვენიერ ქალად, რომლის ამ სახელწოდების ფილმი დედაჩემმა დიდხანს არ მანახა, რადგან თვლიდა, 10-11 წლის ბავშვისთვის შეუფერებელი იყო :D

3. ლუპიტა ნიონგ'ო

ალბათ, ეს ახალგაზრდა მსახიობი გოგო ყველაზე სახასიათოა დღევანდელ კინემატოგრაფში (ამერიკულში მაინც). თავიდან მსახიობების ასისტენტი იყო ხოლმე გადასაღებ მოედნებზე და უცებ, ამ ძალიან სახასიათო და მძიმე როლისთვის აირჩიეს. გარდა იმისა, რომ ტკბილი აქცენტი აქვს, ძალიან განათლებული გოგოა. იმედია, მსახიობად დიდხანს არ დარჩება და უფრო საინტერესო რამით დაკავდება.

4. სასკია როზენდალი

ახალგაზრდა გერმანელი მსახიობი, ჩემი ბოლო პერიოდის ფავორიტი. სახელიც ლამაზი აქვს, ნიჭიერიცაა და გარეგნობითაც ანგელოზს ჰგავს. მისი ამ ფილმის ნახვას გირჩევთ. ბევრი წინააღმდეგობრივი თემა და სცენაა წამოწეული, მაგრამ გახსნილი გონებით შეიძლება ყურება და მერე დაფიქრება.

5. ბოლოს, დრიუ ბერიმორი :) 

დიდი ხანია ახალ ფილმებში აღარ მონაწილეობს (არა, ბოლოს ისევ ადამ სენდლერთან აქვს კომედია, მაგრამ საშინლად მოსაწყენი), აღარც თავად იღებს, სამაგიეროდ ბავშვებს აჩენს და ლამაზზე ლამაზი ორსულია, მეტი რა სჭირდება მის აუდიტორიას :D

ბედნიერ კვირადღეს და მომავალ სამუშაო კვირას გისურვებთ!!!