ფემინისტი, სოციალისტი, იუდაისტი, მორალისტი და просто красавица

ბევრი ბლოგების კითხვას უნდა მოვეშვა და ჩემი ვწერო.

მეზარება წერა. მეზარება ლაპარაკიც. ადამიანებთან ურთიერთობები. ლამის ავდგე და ყველას ვუთხრა, რასაც მათზე ვფიქრობ, როგორი გაუნათლებლები არიან და უტვინოები. იმიტომ, რომ არაფერი ახარებთ, უმადურები არიან და სილამაზეს ვერაფერში ხედავენ. მეც ნერვებს მიშლიან და საკუთარ თავსაც.
მაინც რას ვიშლი მე ნერვებს, ვერ გამიგია :/ მაგრამ ამ ქალური ჰორმონების კონტროლი რა ძნელია, ხომ იცით. ყველაზე ფემინისტებიც კი ემოციებს ჰყვებიან ბოლოს.

გახსენებაზე, დღეს სიმონ დე ბუვუარის დაბადების დღე ყოფილა. დიდი მორალით არ გამოირჩეოდა, მაგრამ მისი ფილოსოფიიდან შეიძლება ორი მარცვალი სიმართლის პოვნა.
რაც მთავარია, ქალი იყო და თანაც ფემინისტი, თანაც თხის რქა და ამის გამო მივაგებ პატივს და ვულოცავ დაბადების დღეს! :)


უცნაური ზამთარია, თბილა სასწაულად და საერთოდ არ ჰგავს იანვარს.

კვირის მოწონებული პოსტები მინდოდა დამელინკა და მეზარება, ორი ადამიანის გარდა მადლობასაც არავინ მიხდის ამის გამო და ცხოვრებაში არ მომიკითხავენ, მერე რა, რომ ბლოგია და ონლაინ ნაცნობობა, თავაზიანობა ხომ მაინც თავაზიანობად რჩება.
მოკლედ, გადამივლის და სხვა დროს იყოს :D

-----------------

არ შემიძლია ერთი რაღაც არ გითხრათ, თუმცა რელიგიური განხრით არ მინდა საუბარი, რადგან ყველაზე ნაკლებად ამქვეყნად რელიგის გარჩევა მსიამოვნებს, მით უმეტეს სხვისი. ჩემსაზე თავისუფლად მაინც შემიძლია ვისაუბრო და სხვებისას კი მხოლოდ პატივი უნდა ვცე - ასეთია ჩემი პრინციპი.

უბრალოდ, მინდოდა მეთქვა, რომ სანამ კარგად არ გაეცნობი საკუთარ რელიგიას, ანუ არ წაიკითხავ ბიბლიას/ძველ აღთქმას და საერთოდ, თუ ძირითადი წესები არ გეცოდინება, წერე/ილაპარაკე და იყავი.

ის ტოლერანტობა და თავისუფლება კიდევ, რაზეც გულანთებულები საუბრობენ და ქრისტე ხომ სიყვარულიაო, გაიძახიან, საქმე ისაა, სიყვარული ამორალურობას არ ნიშნავს!!! არცერთ რელიგიაში.
ღია/თავისუფალი სექსუალური ურთიერთობები მრუშობაა, ჰომოსექსუალიზმი და ერთსქესიანი ქორწინება საერთოდ სოდომის ცოდვა. მოგვწონს თუ არა, აბორტიც ცოდვაა (იუდაიზმში გამონაკლისი არსებობს, როცა ნაყოფი დედის სიცოცხლეს უქმნის საფრთხეს, მხოლოდ მაშინ შეიძლება ორსულობის შეწყვეტა, რადგან დედის სიცოცხლე დაუბადებელ ნაყოფზე მნიშვნელოვნად ითვლება)...
არის ბევრი აკრძალვა ყველა რელიგიაში, რომლებსაც ან იღებ, ან - არა!

რელიგიური წესები კიდევ რთულია, რადგან ცხოვრებაა რთული, ადამიანობაა რთული და სწორი არჩევანის გაკეთებაც. თუ ადამიანმა ყველაფერი ისე გააკეთე, როგორც გინდა, ადამიანი აღარ იქნები და რელიგიებიც ზუსტად ამას ამბობენ - არსებობს ლიმიტები, რომ ადამიანმა თავისი ცხოველური ინსტინქტები გააკონტროლოს, არსებობს მცნებები, რომ ადამიანმა სხვა ადამიანზეც იფიქროს, არსებობს აკრძალვები, რომლებიც ადამიანის სულს აძლიერებს და მხოლოდ ამის შედეგადაა შესაძლებელი ხორცის გაწმენდაც და გაძლიერებაც.

მართლმადიდებელი ქრისტიანობა კი მე ძალიან ჰუმანურად მეჩვენება და ადამიანი ძალიან ზარმაცი ზომბი უნდა იყოს, რომ წაკითხვა და განათლების მიღება დაგეზაროს, როცა ბევრ რამეზე გაქვს პრეტენზია.
თუ არ მოგწონს კიდევ, კაციშვილი არაფერს გაძალებს, ჩემთვის ცხოვრებაში არ დაუძალებიათ და რელიგიაც არავის მოუჩეჩებია ძალით, მე თვითონ ავირჩიე ის ცხოვრება, როგორიც ახლა მაქვს.

გინდა, მიიღე, არ გინდა - ნუ მიიღებ, მაგრამ სხვა ადამიანებს ნუ უფუჭებ განწყობას და სიხარულს!

მოკლედ, დათა თუთაშხია რომ ვარ მთელი ცხოვრება, ხომ ვიცით, ვითომ არ მინდა ჩარევა და მაინც ვერ ვითმენ.

ამიტომ ვცემ პატივს ყველა რელიგიას, რადგან ყველა რელიგიის ძირითადი არსი სიკეთესა და სიყვარულშია, უბრალოდ მერე ადამიანები იმის არასწორ ინტერპრეტაციას აკეთებენ, რაც არასოდეს წაუკითხავთ, ან მხოლოდ ინტერნეტში გადაუხედავთ და სჯერათ, რომ კარგად ერკვევიან.
არც მე ვარ თეოლოგი, მაგრამ საკუთარი რელიგიის შესწავლის და სხვა რელიგიების მეტ-ნაკლებად გაცნობის შემდეგ შემიძლია თავს უფლება მივცე ის დასკვნა გამოვიტანო, რაც ზემოთ დავწერე.

ბედნიერები იყავით!
მთავარია მთელი გულით და სულით გწამდეს ადამიანს ღმერთის არსებობის და იმას მნიშვნელობა არა აქვს, დამატებით უკვე მისი შვილისაც გწამს, მისი მოციქულის თუ საერთოდ სხვა სფეროების.