ზაფხული, სიყვარული, ბლოგები и ЗВЕРИ

უცებ მომინდა საზაფხულო პოსტის დაწერა =))

"ზვერის" ამ კლიპს ვუყურებდი, პახოდუ Facebook-ზე მაგდას wall-ზე კინოზე ჩამოვარდა საუბარი. თქვენი არ ვიცი, მაგრამ "მხეცებს" სულ ისეთი ვიდეოები აქვთ, სადაც მთელი სიუჟეტებია ჩამოყალიბებული, თავისი კულმინაციებით და კვანძის გახსნებით :ლოლ: ჰოდა მომინდა პატარა პოსტი დამეწერა ზაფხულზე, მზეზე, სიყვარულობანაზე, რაც ხშირია ხოლმე ამ პერიოდში. თუმცა, გატყუებთ, იმიტომ, რომ ცხოვრებაში (20 წელზე მეტხანს) საზაფხულო სიყვარულობანა არ მქონია :| ზაფხულში იმდენად შეშლილი ვხდები, მნიშვნელობა არა აქვს ზღვაზე ვარ თუ მთაში, ვერავის ვხედავ, გარდა ბუნების, წიგნების და მუსიკის =)) ჰო, სხვა სეზონებზე წიგნებს, მუსიკას აკლდება ბუნება და ემატება კომპიუტერის წინ დაშტერება.

რახან კომპიუტერი ვახსენე, ამას ინტერნეტი მოჰყვება, ინტერნეტს ბლოგები და "ვინ შეჭამა ვენახივით", აუცილებლად უნდა ვისაუბრო ახალ ბლოგერებზე. ყოველ შემთხვევაში, მე აღმოვაჩინე ახლა და სიამოვნებით ვკითხულობ.

ზურიუსის ბლოგი - ზურიუსი ჩემი ჯგუფელია და სამი წელია, რაც ვიცნობ, სამი წელი ვიტანდი მის სტვენას (literally) და წელს მეტ-ნაკლებად უკეთ გავიცანი. ჭკვიანი და კრეატიულ-მრავალმხრივი რომ იყო, ვიცოდი, მაგრამ მომწონს როგორც წერს ახლა, ენთუზიაზმი ეტყობა და აქვს ის რაღაც მიმართულება აღებული, რითიც სხვებს არ ჰგავს.

ბათუმელი ჟურნალისტის ბლოგი - რომელიც რამდენიმე თვის წინ ვნახე და განსაკუთრებით იმიტომ დავინტერესდი, რომ აზრზე არ ვარ, რა ხდება რეგიონებში. როგორ წერენ დასავლეთში ;) ბუნებრივია, გამიხარდა, რაც ვიპოვე. სწორედ ამ ბლოგიდან შევიტყვე სუფსელი პროგრესული გოგონების შესახებ, სადაც ნანას ძალიან ობიექტურად და ყველანაირი ეთიკის დაცვით ჰქონდა გაშუქებული თემა.

Dreamer kikito - ჩემი ახალი აღმოჩენა, რომლის ბლოგი პერსონალურია, ეხება ნებისმიერ თემას, თავის ცხოვრებაზე ჰყვება, რა აწუხებს, რა ახარებს. როგორც ყოველთვის, ეს საინტერესოა, რადგან ადამიანის ცხოვრებაა, რაც უნდა იძახოს ზოგმა, რომ არ აინტერესებს სხვისი დღის განრიგი ;)

ბუდა - ეს ბლოგი შემთხვევით ჩამივარდა ხელში და მერე იმდენი საინტერესო პოსტი ვნახე... აღმოჩნდა, რომ ჩემს უნი-ში სწავლობს. სასაცილო ისაა, რომ მეგონა, ვიცოდი, რომელი გოგოც იყო ეს ბუდა და იმ დღეს ყველა "მსგავსს" ვაჩერებდი, შენ ხარ ბუდა-მეთქი? არა, ბუდა ძალიან ჭკვიანი გოგოა, შენი მსგავსი თვალები აქვსო, ერთმა მითხრა... თვალებიც ჩემნაირი აქვს და კაბარეს მოცეკვავეობაც სურს. ბუუდ, like ya a lot :)

Last but absolutely not least, როგორც იტყვიან "ჩვენში", უნაამარგას, იმავე "მწარეს ბლოგი", რომელიც არცთუ ისე ახალბედაა, მაგრამ არ შეიძლება არ აღვნიშნო. მომწონს, როგორც წერს, გულწრფელად, ღიად, ზოგჯერ მწარედ, ირონიით და საბოლოოდ - ბევრ რამეში ვთანხმდებით, ალბათ ამიტომაც მომწონს უფრო მეტად.

მიხარია ახალ-ახალი ბლოგების ნახვა. მიხარია, რომ უკვე ამდენ ადამიანს ვიცნობ თავიანთი ბლოგების საშუალებით. არ მიყვარს კაპიტალიზმი, მკიდია დემოკრატია - მაგრამ ვაღიარებ ბლოგინგს და ჯასტინ ჰოლისნაირ nerd ტვინიკოსებს.